Ademais do seu taller en Alfoz, Alberto Geada é o creador do Museo das Zocas, en Mondoñedo. Este espazo está completamente adicado a este calzado histórico de madeira. Situado nun antigo palacio, o museo alberga unha colección única de pezas primitivas elaboradas polo propio Alberto, réplicas e exemplares tradicionais e únicos. A súa colección conta con modelos de toda a península, dende albarcas cántabras ata zocos pirenaicos, pasando polos zocos ourensáns. É curioso debido a que, segundo o propio Alberto, o proxecto comezou a modo de 'broma' dado que cando o alcalde de Mondoñedo o chamou para establecer na vila o museo, o propio Alberto cría que era unha especie de chanza realizada por un amigo seu. 

​

O museo non só busca preservar o legado cultural, senón que busca tamén educar sobre a riqueza e diversidade das zocas e do oficio tradicional que, como afirma Alberto, “está en perigo de extinción”. A pesar do seu propio éxito e creatividade, o zoqueiro non oculta a súa preocupación polo futuro da zoqueiría. Segundo el, a falta de relevo xeracional e o desinterese institucional poñen en perigo un oficio que, en outros tempos, era o sustento de numerosas familias da rexión. Alberto afirma que a realidade é que cada vez menos persoas están interesadas en aprender as complexas técnicas necesarias para fabricar zocas.

​

Con todo, o nosotros intrépido zoqueiro non se rende. Cre que, aínda que as zocas non sexan xa un calzado esencial na vida diaria, poderían volver a gañar popularidade, xa sexa como pezas de deseño ou como forma de expresión cultural.​

El mesmo nos conta a súa historia!