Non podíamos rematar esta reportaxe sen facer unha mención especial a todas e cada unha das persoas que nos axudaron para que esta reportaxe puidese saír adiante. 

En primeiro lugar a Elena Ferro que nos abriu as portas do seu taller de Merza para que puidésemos fotografar e gravar cada recuncho, ademais de explicarnos ata o máis mínimo detalle do proceso artesanal da fabricación dos zocos. 

En segundo lugar a Alberto Geada que nos convidou ao seu Museo das Zocas de Mondoñedo e tivo a amabilidade de responder a todas as preguntas que lle fixemos, ademais de compartir con nós o seu saber tradicional sobre as zocas, a pesar de ser en plena ponte de Santos. 

En terceiro lugar a Elena Fabeiro, xerente de Artesanía de Galicia, que nos contou todos os aspectos técnicos (premios, axudas…) que ofrecen para os artesáns galegos. Gustaríanos facer unha mención especial tamén á súa secretaria María Guerreiro que nos axudou a contactar con Elena e sempre nos brindou facilidades en todo o que precisáramos.

Agradecer tamén ás nosas familias que sempre están dispostas a axudarnos cos recursos técnicos e económicos en cada proxecto que consegue ver a luz. E como non, agradecer tamén á nosa titora Alba Silva Rodríguez que nos deu todos os consellos e as facilidades para que Coa historia nos pés sexa a reportaxe que é. 

​

Finalmente, grazas a ti, que chegache ata aquí. Agardamos que esta viaxe pola historia deste calzado tradicional che resultase amena e, por suposto, que aprenderas moito.

​

Grazas de corazón!

​

Almudena, Lián, Lucía e Uxía